പ്രവാസി ഓണ്‍ലൈന്‍ വായനക്കാര്‍ക്കായി ഈ പദ്ധതിയുടെ ഗുണഫലങ്ങളും, അതിനേക്കാള്‍ ഏറെ ഗൗരവത്തോടെ അറിഞ്ഞിരിക്കേണ്ട കറുത്ത വശങ്ങളും വിശദമായി പരിശോധിക്കുകയാണ് ഇവിടെ.
1. എന്താണ് ഓപ്പയര്‍ വിസ? (നല്ല വശങ്ങളും ആനുകൂല്യങ്ങളും) നിയമപരമായി നോക്കിയാല്‍ ജര്‍മ്മന്‍ സര്‍ക്കാര്‍ പുറത്തുനിന്നുള്ള യുവജനങ്ങള്‍ക്കായി ഒരുക്കിയിട്ടുള്ള ഒരു കള്‍ച്ചറല്‍ എക്സ്ചേഞ്ച് പ്രോഗ്രാമാണിത്. പ്രായപരിധി: 18 നും 26 നും ഇടയില്‍ പ്രായമുള്ളവര്‍ക്ക് ഇതിന് അപേക്ഷിക്കാം.
2. അടിസ്ഥാന യോഗ്യത: നാട്ടിലിരുന്ന് ലളിതമായ എ 1 ലെവല്‍ ജര്‍മ്മന്‍ ഭാഷാ സര്‍ട്ടിഫിക്കറ്റ് നേടി, ജര്‍മ്മന്‍ കുടുംബത്തോടൊപ്പം കരാറിലെത്താം.
3. ആനുകൂല്യങ്ങള്‍: പരമാവധി ആഴ്ചയില്‍ 30 മണിക്കൂര്‍ ജോലി. പകരം സ്വന്തമായി മുറിയും ഭക്ഷണവും (Kost und Logis), പ്രതിമാസം കുറഞ്ഞത് 280 യൂറോ കൈപ്പറ്റാനുള്ള അലവന്‍സും, ജര്‍മ്മന്‍ ഭാഷാ പഠനത്തിനായി മാസം 70 യൂറോയുടെ സഹായവും ലഭിക്കുന്നു. സാധാരണക്കാര്‍ക്ക് വലിയ സാമ്പത്തിക ബാധ്യതകളില്ലാതെ ജര്‍മ്മനിയിലെത്താന്‍ ഇതൊരു എളുപ്പവഴിയായി പലരും തെറ്റിദ്ധരിക്കുന്നു. എന്നാല്‍ യഥാര്‍ത്ഥ കളി വരുന്നത് ഇവിടെയല്ല, ജര്‍മ്മനിയില്‍ കാലുകുത്തുമ്പോഴാണ്
4. 2. മറഞ്ഞിരിക്കുന്ന അപകടങ്ങളും ചൂഷണങ്ങളും (മലയാളി കുട്ടികള്‍ക്ക് തീര്‍ത്തും അനുയോജ്യമല്ലാത്തതിന്റെ കാരണങ്ങള്‍) മലയാളി കുടുംബങ്ങളില്‍ നിന്നും, പ്രത്യേകിച്ച് ക്രിസ്ത്യന്‍ നഴ്സിംഗ് പശ്ചാത്തലത്തില്‍ നിന്നോ മറ്റ് സാധാരണ കുടുംബങ്ങളില്‍ നിന്നോ എത്തുന്ന പെണ്‍കുട്ടികള്‍ക്ക് ഔപെയര്‍ വിസ കടുത്ത മാനസിക സമ്മര്‍ദ്ദവും ചൂഷണവുമാണ് സമ്മാനിക്കുന്നത്.
5. പ്രധാന പ്രശ്നങ്ങള്‍ ഇനിപറയുന്നവയാണ്:
6. ആധുനിക അടിമപ്പണി (Modern Slavery): കരാര്‍ പ്രകാരം 30 മണിക്കൂറാണ് ജോലിയെങ്കിലും, ഭൂരിഭാഗം ഗാസ്ററ് ഫാമിലികളും കുട്ടികളെക്കൊണ്ട് രാപ്പകലില്ലാതെ ജോലി ചെയ്യിക്കുന്നു. കുട്ടികളെ നോക്കുന്നതോടൊപ്പം വീടിന്റെ ക്ളീനിങ്, പാചകം, പൂന്തോട്ട പരിപാലനം, പട്ടി, പൂച്ച എന്നീ ജന്തുക്കളെ കുളിപ്പിയ്ക്കുക തുടങ്ങി വീട്ടിലെ മുഴുവന്‍ ജോലികളും ഈ പെണ്‍കുട്ടികളുടെ തലയില്‍ കെട്ടിവെക്കുന്നു. ചോദ്യം ചെയ്താല്‍ വിസ കാന്‍സല്‍ ചെയ്ത് നാട്ടിലേക്ക് അയക്കുമെന്ന് ഭീഷണിപ്പെടുത്തുന്നു.
7. പൊരുത്തപ്പെടാത്ത ജീവിതരീതികളും സാംസ്കാരിക സംഘര്‍ഷങ്ങളും:
ജര്‍മ്മന്‍ കുടുംബങ്ങളുടെ ഭക്ഷണരീതികള്‍, സ്വാതന്ത്ര്യം നല്‍കുന്ന രീതികള്‍, കര്‍ശനമായ ചിട്ടവട്ടങ്ങള്‍ എന്നിവയുമായി പൊരുത്തപ്പെടാന്‍ നമ്മുടെ നാട്ടില്‍ നിന്ന് പോകുന്ന പെണ്‍കുട്ടികള്‍ക്ക് വലിയ പ്രയാസമാണ്. പലപ്പോഴും ഒറ്റപ്പെടലും (Isolation) കടുത്ത മാനസിക വിഷാദവും (Depression) ഇവര്‍ അനുഭവിക്കുന്നു.
തട്ടിപ്പും തെറ്റിധാരണയും: സോഷ്യല്‍ മീഡിയ വഴിയും ചില വ്യാജ ഏജന്‍സികള്‍ വഴിയും തെറ്റായ വാഗ്ദാനങ്ങള്‍ നല്‍കി കുട്ടികളെ ജര്‍മ്മനിയിലേക്ക് എത്തിക്കുന്ന വലിയൊരു റാക്കറ്റ് തന്നെ പ്രവര്‍ത്തിക്കുന്നുണ്ട്. എത്തിയ ശേഷം വാഗ്ദാനം ചെയ്ത സൗകര്യങ്ങളോ സുരക്ഷയോ ലഭിക്കാതെ പെണ്‍കുട്ടികള്‍ നടുവഴിയിലാകുന്ന സംഭവങ്ങള്‍ നിരവധിയാണ്.
ഭാഷാ തടസ്സവും നിയമപരമായ അറിവില്ലായ്മയും: ജര്‍മ്മന്‍ ഭാഷയില്‍ കാര്യമായ പ്രാവീണ്യമില്ലാതെ എത്തുന്നവര്‍ക്ക് പ്രാദേശിക നിയമങ്ങളോ പോലീസിനെയോ ലേബര്‍ ഓഫീസിയെോ സമീപിച്ച് പരാതിപ്പെടാനോ ഉള്ള ധൈര്യമോ സാഹചര്യമോ ഉണ്ടാകാറില്ല. ഇത് മുതലെടുത്ത് കുടുംബങ്ങള്‍ അവരെ മാനസികമായി തളര്‍ത്തുന്നു.
കരിയറിലെ അനിശ്ചിതത്വം: 6 മാസം മുതല്‍ 1 വര്‍ഷം വരെയാണ് ഈ വിസയുടെ കാലാവധി. ഇതിനുശേഷം ഈ വിസയെ ആശ്രയിച്ച് ജര്‍മ്മനിയില്‍ സ്ഥിരതാമസമാക്കാനോ മികച്ചൊരു കരിയര്‍ കെട്ടിപ്പടുക്കാനോ സാധിക്കില്ല. സമയം കളഞ്ഞ് നാട്ടിലേക്ക് തിരികെ പോകേണ്ടി വരുന്നു അല്ലെങ്കില്‍ നിയമവിരുദ്ധമായി തങ്ങേണ്ടി വരുന്നു. ഇത് ഭാവി കരിയറിനെ പൂര്‍ണ്ണമായും നശിപ്പിക്കും.
അടിയന്തര മുന്നറിയിപ്പ്: മലയാളി പെണ്‍കുട്ടികള്‍ ഈ അബദ്ധത്തില്‍ ചാടരുത്. ജര്‍മ്മനിയില്‍ നഴ്സിങ് പഠനത്തിനോ (Ausbildung) മറ്റ് ഉന്നത വിദ്യാഭ്യാസങ്ങള്‍ക്കോ അല്ലെങ്കില്‍ പ്രൊഫഷണല്‍ വിസകള്‍ക്കോ നിരവധി മാന്യമായ വഴികളുള്ളപ്പോള്‍, ഈ ഓപ്പയര്‍ വിസയ്ക്ക് പിന്നാലെ പോയി ജീവിതം ഹോമിക്കരുതെന്ന് പ്രവാസി ഓണ്‍ലൈന്‍ ശക്തമായി ഓര്‍മ്മിപ്പിക്കുന്നു.യാതൊരുവിധ തൊഴില്‍ സുരക്ഷയുമില്ലാത്തതും, ഏത് നിമിഷവും പെരുവഴിയിലാകാന്‍ സാധ്യതയുള്ളതുമായ ഈ സംവിധത്തിലേക്ക് മലയാളി പെണ്‍കുട്ടികള്‍ ഒരു കാരണവശാലും പോകരുത്.സുഹൃത്തുക്കളുടെയോ സോഷ്യല്‍ മീഡിയ പരസ്യങ്ങളുടെയോ വാക്കുകള്‍ കണ്ണടച്ച് വിശ്വസിച്ച് ജര്‍മ്മനിയിലെ അപരിചിതമായ നാലു ചുവരുകള്‍ക്കുള്ളിലേക്ക് സ്വയം അടിമകളായി പോകാന്‍ നില്‍ക്കരുത്.ജര്‍മ്മനിയില്‍ നല്ല രീതിയില്‍ ജീവിക്കാനും പഠിക്കാനും ആഗ്രഹിക്കുന്നവര്‍ ഔദ്യോഗികവും സുരക്ഷിതവുമായ തൊഴില്‍ വിസകളോ പഠന വഴികളോ മാത്രം തിരഞ്ഞെടുക്കുക.
ഔപെയര്‍ വിസയുടെ തിളങ്ങുന്ന പരസ്യങ്ങളില്‍ വീണ് ജീവിതം കൈവിട്ടുപോകരുത്.. ജാഗ്രതൈ
ജര്‍മ്മന്‍ ഓപ്പയര്‍ വിസ തട്ടിപ്പിന്റെ ഞെട്ടിക്കുന്ന കറുത്ത വശങ്ങള്‍: പണം വാങ്ങി സ്വന്തം സഹോദരങ്ങളെ കുടുക്കുന്ന ഏജന്റുമാരും മലയാളി പെണ്‍കുട്ടികളും ജാഗ്രതൈ..
ജര്‍മ്മനിയിലെ ഔപെയര്‍ വിസയെക്കുറിച്ചുള്ള കൂടുതല്‍ വിവരങ്ങള്‍ പുറത്തുവരുമ്പോള്‍, ഇതിന് പിന്നില്‍ പ്രവര്‍ത്തിക്കുന്ന വലിയൊരു മാഫിയാ സംഘത്തിന്റെ ക്രൂരമായ മുഖമാണ് വെളിവായിക്കൊണ്ടിരിക്കുന്നത്. ഔദ്യോഗിക രേഖകളില്‍ പറയുന്ന സൗഹൃദാന്തരീക്ഷമോ സാംസ്കാരിക കൈമാറ്റമോ അല്ല, മറിച്ച് ലക്ഷങ്ങള്‍ തട്ടിയെടുക്കുന്ന വന്‍ തോതിലുള്ള ചതിക്കുഴികളാണ് ഇതിന് പിന്നില്‍ പ്രവര്‍ത്തിക്കുന്നത്. മലയാളി പെണ്‍കുട്ടികളെ ലക്ഷ്യമിട്ട് കേരളത്തിലും യൂറോപ്പിലുമായി പ്രവര്‍ത്തിക്കുന്ന ഈ റാക്കറ്റുകളുടെ തട്ടിപ്പുകള്‍ ഓരോരുത്തരും അറിഞ്ഞിരിക്കേണ്ടതാണ്.
ഔപെയര്‍ വിസയുമായി ബന്ധപ്പെട്ട് മുന്‍ റിപ്പോര്‍ട്ടുകളില്‍ പരാമര്‍ശിക്കാത്ത, എന്നാല്‍ അടിയന്തരമായി അറിഞ്ഞിരിക്കേണ്ട നിര്‍ണ്ണായക വിവരങ്ങള്‍ താഴെ നല്‍കുന്നു:
1. ജര്‍മ്മനിയിലെത്തിയവര്‍ തന്നെ 'ഏജന്റുമാരായി' മാറുന്ന പുതിയ തട്ടിപ്പ്
യൂറോപ്പില്‍ ഔപെയര്‍ വിസയില്‍ എത്തിക്കഴിഞ്ഞ ചില മലയാളികള്‍ തന്നെ ഇപ്പോള്‍ വലിയ ഏജന്റുമാരായി മാറി നാട്ടിലെ പാവം പെണ്‍കുട്ടികളെ കുടുക്കുന്ന രീതി വ്യാപകമാണ്. ജര്‍മ്മനിയിലെത്തി ഒപ്പയര്‍ ജോലിയുടെ ചൂഷണങ്ങളും യാതനകളും നേരിട്ട് അനുഭവിച്ചറിഞ്ഞവര്‍ തന്നെയാണ്, കമ്മീഷന് വേണ്ടി മാത്രം പുതിയ ഇരകളെ ഈ ചതിക്കുഴിയിലേക്ക് വീണ്ടും തള്ളിയിടുന്നത് എന്നത് വലിയൊരു വൈരുദ്ധ്യമാണ്.
2. ലക്ഷങ്ങള്‍ വാങ്ങി കുരുക്കില്‍ ചാടിക്കുന്നു (7 മുതല്‍ 10 ലക്ഷം രൂപ വരെ തട്ടിപ്പ്)
നിയമപരമായി വളരെ കുറഞ്ഞ ചെലവില്‍ (സര്‍ട്ടിഫിക്കറ്റും വിസ ഫീസും മാത്രം) ചെയ്യാനാകുന്ന ഒരു പ്രക്രിയയാണ് ഓപ്പയര്‍ വിസ. എന്നാല്‍ നാട്ടിലെയും യൂറോപ്പിലെയും ഇടനിലക്കാരായ വ്യാജ ഏജന്റുമാര്‍ ഗാസ്ററ് ഫാമിലികളുമായി (Gastfamilie) ധാരണ ഉണ്ടാക്കിയും വ്യാജ വാഗ്ദാനങ്ങള്‍ നല്‍കിയും മലയാളി കുട്ടികളില്‍ നിന്നും 7 ലക്ഷം മുതല്‍ 10 ലക്ഷം രൂപ വരെയാണ് കൈപ്പറ്റുന്നത്. ഇത്രയും വലിയ തുക മുടക്കി ജര്‍മ്മനിയിലെത്തിക്കഴിയുമ്പോള്‍, അവര്‍ക്ക് ലഭിക്കുന്നതോ തുച്ഛമായ അലവന്‍സും (മാസം 280 യൂറോ) അടിമപ്പണിയും! കൊടുത്ത പണം തിരികെ പിടിക്കാനോ നാട്ടിലേക്ക് മടങ്ങാനോ കഴിയാതെ മാനസികമായി തകര്‍ന്നുപോകുന്ന അവസ്ഥയാണ് പലര്‍ക്കും ഉണ്ടാകുന്നത്.
3. നാട്ടിലെ വ്യാജ ഏജന്റുമാരുടെ കെണിയില്‍ വീഴരുത് ~ കര്‍ശന മുന്നറിയിപ്പ്
കേരളത്തില്‍ ഇപ്പോള്‍ ഓപ്പയര്‍ വിസ വാഗ്ദാനം ചെയ്ത് വീടുവീടന്തരം കയറിയിറങ്ങുന്ന ചില തട്ടിപ്പ് ഏജന്‍സികളും വ്യക്തികളുമുണ്ട്. ജര്‍മ്മനിയിലെ ജീവിതച്ചെലവുകളെക്കുറിച്ചോ അവിടത്തെ നിയമങ്ങളെക്കുറിച്ചോ യാതൊരു ധാരണയുമില്ലാതെ, പെണ്‍കുട്ടികളുടെ വിദേശ മോഹങ്ങളെ ചൂഷണം ചെയ്ത് ലക്ഷങ്ങള്‍ തട്ടിയെടക്കുന്ന ഈ സംഘങ്ങളുടെ അടുക്കല്‍ ഒരു കാരണവശാലും ആരും പോകരുത്. ഇത് നിങ്ങളുടെ ഭാവി ജീവിതം പൂര്‍ണ്ണമായും തകര്‍ത്തെറിയും.
പ്രവാസി ഓണ്‍ലൈന്റെ പ്രത്യേക അഭ്യര്‍ത്ഥന:
ജര്‍മ്മനിയിലേക്കോ മറ്റ് യൂറോപ്യന്‍ രാജ്യങ്ങളിലേക്കോ പോകാന്‍ ആഗ്രഹിക്കുന്ന മലയാളി യുവതീ~യുവജനങ്ങള്‍ ഇത്തരം വ്യാജ വാഗ്ദാനങ്ങളിലും ഓപ്പയര്‍ വിസയുടെ തെറ്റായ പ്രലോഭനങ്ങളിലും വീണുപോകാതിരിക്കുക. ആധികാരികവും സുരക്ഷിതവുമായ തൊഴില്‍ വിസകളോ (ഉദാഹരണത്തിന് Ausbildung പോലുള്ളവ) ഉന്നത വിദ്യാഭ്യാസ വഴികളോ മാത്രം തിരഞ്ഞെടുക്കുക. സുഹൃത്തുക്കളുടെയോ ഇടനിലക്കാരുടെയോ വാക്ക് കേട്ട് കഷ്ടപ്പെട്ട് സമ്പാദിച്ച ലക്ഷങ്ങളും നല്‍കി അജ്ഞാതമായ ഒരു രാജ്യത്ത് ചെന്ന് പെരുവഴിയിലാകാതിരിക്കാന്‍ ഏവരും അതീവ ജാഗ്രത പാലിക്കുക.
ഔപെയര്‍ വിസയുടെ മറവില്‍ ജര്‍മ്മനിയില്‍ നടക്കുന്ന നടുക്കുന്ന തട്ടിപ്പുകള്‍: തുര്‍ക്കി~ആഫ്രിക്കന്‍ കുടുംബങ്ങളില്‍ പെട്ടുഴലുന്ന മലയാളി പെണ്‍കുട്ടികളുടെ ദയനീയ അവസ്ഥയും കണ്ണീരും
യൂറോപ്പില്‍ എത്തുയെന്ന ഒരേയൊരു മോഹവുമായി ജര്‍മ്മനിയിലെത്തുന്ന മലയാളി പെണ്‍കുട്ടികള്‍ക്ക് മുന്നില്‍ കാത്തിരിക്കുന്നത് നരകസമാനമായ ജീവിതവും കടുത്ത വഞ്ചനയുമാണ്. പുറമെ കാണുന്ന മനോഹരമായ വാഗ്ദാനങ്ങളില്‍ മയങ്ങി ഔപെയര്‍ വിസയിലെത്തുന്ന നിരവധി യുവത്വങ്ങളാണ് ഇപ്പോള്‍ ജര്‍മ്മനിയില്‍ അകപ്പെട്ട് കരഞ്ഞും നെഞ്ചത്തടിച്ചും നാട്ടിലേക്ക് തിരിച്ചുപോകാന്‍ പോലും കഴിയാതെ പെരുവഴിയിലായിരിക്കുന്നത്. ആഴ്ചകള്‍ക്കുള്ളില്‍ തന്നെ ഇവരുടെ ജീവിതം വലിയ ദുരന്തത്തിലേക്ക് കൂപ്പുകുത്തുന്നതിന്റെ ഞെട്ടിക്കുന്ന യാഥാര്‍ത്ഥ്യങ്ങളാണ് പുറത്തുവരുന്നത്.
ഈ തട്ടിപ്പുമായി ബന്ധപ്പെട്ട് പുറത്തുവരുന്ന ഏറ്റവും പുതിയതും ഗൗരവമേറിയതുമായ വിവരങ്ങള്‍ താഴെ പറയുന്നവയാണ്:
1. ജര്‍മ്മന്‍ കുടുംബങ്ങള്‍ക്ക് പകരം തുര്‍ക്കി, ആഫ്രിക്കന്‍ കുടുംബങ്ങളുടെ കെണിയില്‍
ഔപെയര്‍ വിസ നിയമങ്ങള്‍ അനുസരിച്ച് ജര്‍മ്മന്‍ സംസ്കാരവും ഭാഷയും പഠിക്കാന്‍ പ്രാദേശിക ജര്‍മ്മന്‍ കുടുംബങ്ങളോടൊപ്പമാണ് കുട്ടികള്‍ താമസിക്കേണ്ടത്. എന്നാല്‍ പല ഏജന്റുമാരും ഇതിനെ വളച്ചൊടിച്ച് ജര്‍മ്മനിയില്‍ സ്ഥിരതാമസക്കാരായ തുര്‍ക്കി, ആഫ്രിക്കന്‍, മറ്റ് വിദേശ കുടിയേറ്റ കുടുംബങ്ങളുടെ വീടുകളിലേക്കാണ് മലയാളി പെണ്‍കുട്ടികളെ പറഞ്ഞുവിടുന്നത്. ജര്‍മ്മന്‍ സംസ്കാരത്തിന് തികച്ചും വിരുദ്ധമായ ഈ വീടുകളില്‍ എത്തുന്ന കുട്ടികള്‍ കടുത്ത സാംസ്കാരിക ആഘാതവും (Culture shock) മാനസിക പീഡനവുമാണ് നേരിടുന്നത്.
2. ആധുനിക അടിമപ്പണിയും ക്രൂരമായ ചൂഷണവും
ഈ കുടുംബങ്ങളില്‍ എത്തിക്കഴിഞ്ഞാല്‍ പിന്നെ വിശ്രമമില്ലാത്ത പണിയാണ്. കരാര്‍ പ്രകാരം 30 മണിക്കൂറാണ് ജോലിയെങ്കില്‍, രാപ്പകലില്ലാതെ വീട്ടുജോലികളും കുട്ടികളുടെ നോക്കലും മാത്രം ചെയ്യിപ്പിച്ച് ഇവരെ മാനസികമായി തളര്‍ത്തുന്നു. പല കുടുംബങ്ങളിലും മോശമായ പെരുമാറ്റങ്ങളും ഭക്ഷണപരമായ ബുദ്ധിമുട്ടുകളും നേരിടേണ്ടി വരുന്നു. ചോദ്യം ചെയ്താല്‍ വിസ റദ്ദാക്കി നാട്ടിലേക്ക് അയക്കുമെന്നോ പോലീസില്‍ കുടുക്കുമെന്നോ ഉള്ള ഭീഷണിയാണ് ഇവര്‍ക്ക് നേരിടേണ്ടി വരുന്നത്.
3. കരഞ്ഞും നെഞ്ചത്തടിച്ചും മടങ്ങേണ്ടി വരുന്ന അവസ്ഥ
ലക്ഷങ്ങള്‍ കടം വാങ്ങി, ഏജന്റുമാരുടെ കയ്യില്‍ പണവും കൊടുത്തു ജര്‍മ്മനിയിലെത്തി ഏതാനും ആഴ്ചകള്‍ക്കുള്ളില്‍ തന്നെ ഈ പെണ്‍കുട്ടികള്‍ യാഥാര്‍ത്ഥ്യം തിരിച്ചറിഞ്ഞ് പൊട്ടിക്കരയുന്ന കാഴ്ചകളാണ് ഉള്ളത്. കൊടുത്ത പണം തിരികെ ചോദിക്കാനോ, എങ്ങോട്ടെങ്കിലും പരാതിപ്പെടാനോ ജര്‍മ്മന്‍ ഭാഷ അറിയാത്തതും നിയമപരമായ അറിവില്ലായ്മയും അവര്‍ക്ക് തടസ്സമാകുന്നു. ഒടുവില്‍ മാനസികമായി തകര്‍ന്ന്, വസ്ത്രങ്ങളും സാധനങ്ങളുമായി കരഞ്ഞുകൊണ്ട് നാട്ടിലേക്ക് തിരിച്ചുപോകാന്‍ നിര്‍ബന്ധിതരാകുന്ന മലയാളി പെണ്‍കുട്ടികളുടെ എണ്ണം ദിനംപ്രതി വര്‍ദ്ധിച്ചുകൊണ്ടിരിക്കുകയാണ്.
ചോറൂട്ടുന്ന ഔപെയര്‍ വിസ തട്ടിപ്പിന് പിന്നില്‍ വൈദികരുടെ നിഴലും, സഭയുടെയും വിശ്വാസത്തിന്റെയും പേരില്‍ മലയാളി പെണ്‍കുട്ടികളെ ചതിക്കുഴിയിലേക്ക് തള്ളിയിടുന്ന ഞെട്ടിക്കുന്ന യാഥാര്‍ത്ഥ്യം
യൂറോപ്പില്‍ സുരക്ഷിതമായി എത്താന്‍ ആഗ്രഹിക്കുന്ന മലയാളി പെണ്‍കുട്ടികളുടെയും അവരുടെ മാതാപിതാക്കളുടെയും വിശ്വാസത്തെ മുതലെടുത്ത് നടത്തുന്ന ഔപെയര്‍ വിസ തട്ടിപ്പുകളില്‍ ഞെട്ടിക്കുന്ന പുതിയ വിവരങ്ങള്‍ പുറത്ത്. ഈ വിസ സമ്മാനിക്കുന്ന ദുരന്തങ്ങളെക്കുറിച്ച് വ്യക്തമായ ധാരണയുണ്ടായിട്ടും, ജര്‍മ്മനിയില്‍ സേവനം ചെയ്യുന്ന ചില വൈദികരും സഭയുമായി ബന്ധപ്പെട്ട് പ്രവര്‍ത്തിക്കുന്നവരും പോലും ഈ കച്ചവടത്തിന് കൂട്ടുനില്‍ക്കുന്നുവെന്ന ഗുരുതരമായ ആരോപണമാണ് ഇപ്പോള്‍ ഉയര്‍ന്നിരിക്കുന്നത്.
വിശ്വാസികളെ സഹായിക്കേണ്ടവരും വഴികാട്ടേണ്ടവരും തന്നെ കല്ലായും കണ്ണാടിയായും മാറി ഈ തട്ടിപ്പുവല വിരിക്കുന്നതിന് പിന്നിലെ യാഥാര്‍ത്ഥ്യങ്ങള്‍ പ്രവാസി മലയാളികള്‍ ഗൗരവത്തോടെ തിരിച്ചറിയേണ്ടതുണ്ട്:
1. വൈദികരുടെ സ്വാധീനവും വിശ്വാസ വഞ്ചനയും
ജര്‍മ്മനിയിലെ വിവിധ പള്ളികളിലോ കമ്മ്യൂണിറ്റികളിലോ സേവനം അനുഷ്ഠിക്കുന്ന ചില വൈദികര്‍ക്കും സഭാ ബന്ധമുള്ള വ്യക്തികള്‍ക്കും ഇവിടത്തെ കുടുംബങ്ങളുടെ യാഥാര്‍ത്ഥ അവസ്ഥയെക്കുറിച്ച് കൃത്യമായറിയാം. ഓപ്പയര്‍ വിസയില്‍ എത്തുന്ന കുട്ടികള്‍ നേരിടുന്ന നരകസമാനമായ ചൂഷണങ്ങളും, തുര്‍ക്കി~ആഫ്രിക്കന്‍ കുടുംബങ്ങളില്‍ അകപ്പെട്ട് പെണ്‍കുട്ടികള്‍ അനുഭവിക്കുന്ന മാനസിക പീഡനങ്ങളും ഇവര്‍ക്ക് അറിയാവുന്നതാണ്. എന്നിട്ടും, സ്വന്തം ലാഭത്തിനോ അല്ലെങ്കില്‍ പരിചയക്കാരായ ചില യൂറോപ്യന്‍ കുടുംബങ്ങളുടെ ആവശ്യപ്രകാരമോ, യാതൊരു മനസ്സാക്ഷിയുമില്ലാതെ ഈ വിസ സംഘടിപ്പിച്ചു കൊടുക്കാന്‍ ഇവര്‍ ഇടനിലക്കാരായി പ്രവര്‍ത്തിക്കുന്നു എന്നത് വലിയൊരു വൈരുദ്ധ്യമാണ്.
2. ലക്ഷങ്ങളുടെ സാമ്പത്തിക ഇടപാടുകള്‍
നാട്ടിലെ കത്തോലിക്കാ കുടുംബങ്ങളില്‍ നിന്നുള്ള പെണ്‍കുട്ടികളെ ലക്ഷ്യമിട്ടാണ് ഇത്തരം വൈദികരും അവരുടെ കൂട്ടാളികളും കൂടുതലായി വലവിരിക്കുന്നത്. "പള്ളിയില്‍ അച്ചന്‍ അറിഞ്ഞുകൊണ്ട് ചെയ്യുന്നതല്ലേ, യാതൊരു കുഴപ്പവുമില്ല" എന്ന മാതാപിതാക്കളുടെ അന്ധമായ വിശ്വാസത്തെയാണ് ഇവര്‍ മുതലെടുക്കുന്നത്. വിസയുടെ പേരില്‍ 7 ലക്ഷം മുതല്‍ 10 ലക്ഷം രൂപ വരെ ഈ ഇടനിലക്കാരുടെ അക്കൗണ്ടുകളിലേക്ക് മാറ്റിയെടുക്കുന്നു. ജര്‍മ്മനിയിലെത്തി ഏതാനും ദിവസങ്ങള്‍ക്കുള്ളില്‍ കുട്ടി കരഞ്ഞുകൊണ്ട് തിരികെ പോകേണ്ടി വന്നാല്‍ പോലും ഇവര്‍ ആ പണം തിരികെ നല്‍കാന്‍ തയ്യാറാകാറില്ല.
3. ചോദ്യം ചെയ്യപ്പെടാത്ത ചൂഷണങ്ങള്‍
സഭയുടെയോ വൈദികരുടെയോ ലേബലില്‍ എത്തുന്നതിനാല്‍ പല പെണ്‍കുട്ടികളും തങ്ങള്‍ നേരിടുന്ന ക്രൂരമായ ചൂഷണങ്ങളെക്കുറിച്ച് പുറത്തുപറയാന്‍ ഭയപ്പെടുന്നു. ജര്‍മ്മനിയിലെത്തി തുര്‍ക്കി അല്ലെങ്കില്‍ ആഫ്രിക്കന്‍ കുടുംബങ്ങളില്‍ അടിമകളെപ്പോലെ ജോലി ചെയ്യേണ്ടി വരുമ്പോള്‍, തങ്ങളെ ഇങ്ങോട്ട് അയച്ച വൈദികരെ വിളിച്ച് സഹായം അഭ്യര്‍ത്ഥിച്ചാല്‍ പോലും പലപ്പോഴും നിഷേധാത്മകമായ പ്രതികരണമാണ് ലഭിക്കുന്നത്. "അല്പം കഷ്ടപ്പെട്ടാലേ കാര്യം നടക്കൂ" എന്ന് പറഞ്ഞ് ആ കുട്ടികളെ വീണ്ടും ആ കുരുക്കിലേക്ക് തന്നെ തള്ളിവിടുന്ന ക്രൂരതയാണ് പലയിടത്തും നടക്കുന്നത്.
പ്രവാസി ഓണ്‍ലൈന്റെ ജാഗ്രതാ നിര്‍ദ്ദേശം:
അച്ചന്മാരോ കന്യാസ്ത്രീയോ സഭയുമായി ബന്ധപ്പെട്ടവരോ ആയ ആരെങ്കിലും ഓപ്പയര്‍ വിസ വാഗ്ദാനം ചെയ്ത് നിങ്ങളുടെ മുന്നില്‍ വന്നാല്‍ ഒരു നിമിഷം പോലും ചിന്തിക്കാതെ പിന്തിരിയുക. വിസയുടെ മറവില്‍ നടക്കുന്ന ഈ വലിയ മനുഷ്യക്കടത്തും സാമ്പത്തിക തട്ടിപ്പും തിരിച്ചറിഞ്ഞ് മലയാളി പെണ്‍കുട്ടികളും മാതാപിതാക്കളും സ്വന്തം സുരക്ഷ മുന്‍നിര്‍ത്തി കര്‍ശനമായ ജാഗ്രത പാലിക്കുക. മാന്യമായ ഔദ്യോഗിക വഴികളിലൂടെ മാത്രം ജര്‍മ്മനിയിലേക്ക് വരാന്‍ ശ്രമിക്കുക.
4. മലയാളി സമൂഹത്തിനുള്ള അടിയന്തര ജാഗ്രതാ നിര്‍ദ്ദേശം
ജര്‍മ്മനിയിലേക്ക് വരാന്‍ ആഗ്രഹിക്കുന്ന മലയാളി പെണ്‍കുട്ടികളും അവരുടെ മാതാപിതാക്കളും ഇത്തരം ഓപ്പയര്‍ വിസ കെണികളില്‍ ഒരു കാരണവശാലും വീണുപോകരുത്. ലക്ഷങ്ങള്‍ വാങ്ങി നിങ്ങളെ തുര്‍ക്കി, ആഫ്രിക്കന്‍ അല്ലെങ്കില്‍ മറ്റ് അപരിചിത കുടിയേറ്റ കുടുംബങ്ങളുടെ അടിമപ്പണിക്ക് വില്‍ക്കുന്ന തട്ടിപ്പ് ഏജന്റുമാരുടെ അടുക്കലേക്ക് പോകാതിരിക്കുക. സുരക്ഷിതമായ കരിയറിനും ഉപരിപഠനത്തിനുമായി ഔദ്യോഗികമായ Ausbildung പോലുള്ള മാന്യമായ വഴികള്‍ മാത്രം തിരഞ്ഞെടുക്കുക. കഷ്ടപ്പെട്ട് സമ്പാദിച്ച പണവും കളഞ്ഞ്, അന്യരാജ്യത്ത് ചെന്ന് പെരുവഴിയിലാകാതിരിക്കാന്‍ ഏവരും അതീവ ജാഗ്രത പാലിക്കുക.
ജര്‍മ്മനിയിലേക്ക് ഒരു വിസയില്‍ (പ്രത്യേകിച്ച് ഔപെയര്‍ വിസയില്‍) എത്തിയ ശേഷം നാട്ടിലേക്ക് തിരികെ പോകാതെ തന്നെ അത് ഔസ്ബില്‍ഡുങ് വിസയിലേക്കോ എഫ്.എസ്.ജെ (FSJ Freiwilliges Soziales Jahr) വിസയിലേക്കോ മാറ്റിയെടുക്കാന്‍ (Spurwechsel / Purpose Change) നിയമപരമായി സാധിക്കും.ജര്‍മ്മന്‍ കുടിയേറ്റ നിയമത്തില്‍ (Aufenthaltsgesetz) അടുത്ത കാലത്തുണ്ടായ ഇളവുകള്‍ പ്രകാരവും വിവിധ സംസ്ഥാനങ്ങളിലെ ഫോറിനേഴ്സ് ഓഫീസുകളുടെ (Auslaenderbehoerde) ചട്ടങ്ങള്‍ പ്രകാരവും ഇത് എങ്ങനെയാണ് നടക്കുന്നതെന്നും ഇതിലെ കടമ്പകള്‍ എന്തൊക്കെയാണെന്നും കൃത്യമായി താഴെ നല്‍കുന്നു:
1. എഫ്.എസ്.ജെയിലേക്ക് (FSJ / BFD) മാറുന്നത് എങ്ങനെ? (ഏറ്റവും എളുപ്പമുള്ള വഴി)ഓ~പെയര്‍ വിസയില്‍ വരുന്ന ഭൂരിഭാഗം മലയാളി കുട്ടികളും ആദ്യം മാറുന്നത് എഫ്.എസ്.ജെയിലേക്കാണ് (വോളന്ററി സോഷ്യല്‍ ഇയര്‍).
എന്തുകൊണ്ട് എളുപ്പം?: എഫ്.എസ്.ജെ ചെയ്യുന്നതിന് കര്‍ശനമായി B2 ലെവല്‍ സര്‍ട്ടിഫിക്കറ്റ് വേണമെന്ന നിബന്ധന മിക്ക സ്ഥാപനങ്ങളും വെക്കാറില്ല. A2 അല്ലെങ്കില്‍ B1 ലെവല്‍ സംസാരിക്കാന്‍ അറിഞ്ഞാല്‍ തന്നെ ആശുപത്രികളിലോ വൃദ്ധസദനങ്ങളിലോ (Altenheim) എഫ്.എസ്.ജെ കരാര്‍ ലഭിക്കും.
നടപടിക്രമം: ഔപെയര്‍ വിസ കാലാവധി തീരുന്നതിന് ചുരുങ്ങിയത് 2~3 മാസം മുമ്പെങ്കിലും എഫ്.എസ്.ജെ കരാര്‍ (Vertrag) ഒപ്പിട്ട് അതാത് പ്രദേശത്തെ 'ഔസ്ലാന്‍ഡര്‍ബെഹോര്‍ഡെ'യില്‍ (Auslaenderbehoerde) അപേക്ഷ നല്‍കണം. നാട്ടില്‍ പോകാതെ തന്നെ വിസ മാറ്റിനല്‍കാന്‍ മിക്ക ഓഫീസുകളും അനുവദിക്കാറുണ്ട്.
ഗുണം: എഫ്.എസ്.ജെ ചെയ്യുന്ന 1 വര്‍ഷം കൊണ്ട് ജര്‍മ്മനിയില്‍ തുടരാനും ഭാഷ പഠിച്ച് B2 എടുക്കാനും സമയം ലഭിക്കുന്നു. തുടര്‍ന്ന് ആ സ്ഥാപനത്തില്‍ തന്നെ നഴ്സിങ് ഔസ്ബില്‍ഡുങ്ങിലേക്ക് മാറാനും എളുപ്പമാണ്.
2. നേരിട്ട് ഔസ്ബില്‍ഡുങ്ങിലേക്ക് മാറുന്നത് എങ്ങനെ?ഔപെയര്‍ വിസയില്‍ നിന്നും നേരിട്ട് നഴ്സിങ് അല്ലെങ്കില്‍ മറ്റ് തൊഴിലധിഷ്ഠിത കോഴ്സുകളിലേക്ക് മാറാനും ജര്‍മ്മനിയില്‍ നിന്നുകൊണ്ട് തന്നെ സാധിക്കും.
ഇതിന് താഴെ പറയുന്ന 4 കാര്യങ്ങള്‍ കൃത്യമായിരിക്കണം:
ഭാഷാ യോഗ്യത (B1/B2 Certificate): നഴ്സിങ് (Pflegefachfrau/mann) പോലെയുള്ള കോഴ്സുകള്‍ക്ക് B2 സര്‍ട്ടിഫിക്കറ്റ് നിര്‍ബന്ധമാണ് (ചില സംസ്ഥാനങ്ങളില്‍ B1 വെച്ച് തുടങ്ങാന്‍ അനുവദിക്കാറുണ്ട്). ഓ~പെയര്‍ ചെയ്യുന്ന കാലയളവിനുള്ളില്‍ ജര്‍മ്മനിയില്‍ വെച്ച് തന്നെ പരീക്ഷയെഴുതി ഈ സര്‍ട്ടിഫിക്കറ്റ് നേടിയിരിക്കണം.
ഔസ്ബില്‍ഡുങ് കരാര്‍ (Ausbildungsvertrag): അംഗീകൃത സ്ഥാപനത്തില്‍ നിന്നോ ആശുപത്രിയില്‍ നിന്നോ തൊഴില്‍ പരിശീലന കരാറും സ്കൂള്‍ അഡ്മിഷനും ലഭിച്ചിരിക്കണം.ലേബര്‍ ഓഫീസ് അനുമതി (Zustimmung der Bundesagentur foer Arbeit): നിങ്ങളുടെ കരാര്‍ ഫോറിനേഴ്സ് ഓഫീസ് വഴി ഫെഡറല്‍ എംപ്ളോയ്മെന്റ് ഏജന്‍സിക്ക് അയച്ച് അവരുടെ അംഗീകാരം (Vorabzustimmung) നേടണം.
സര്‍ട്ടിഫിക്കറ്റ് അംഗീകാരം (SchulzeugnisAnerkennung): നാട്ടിലെ പ്ളസ് ടു സര്‍ട്ടിഫിക്കറ്റ് ജര്‍മ്മന്‍ ബോര്‍ഡ് (Bezirksregierung / Zeugnisanerkennungsstelle) സാക്ഷ്യപ്പെടുത്തി തുല്യത (Gleichwertigkeit) സര്‍ട്ടിഫിക്കറ്റ് വാങ്ങിയിരിക്കണം.
3. ഏത് വിസയിലാണ് വരുന്നത് എന്നത് പ്രധാനമാണ്!സന്ദര്‍ശക വിസ / ടൂറിസ്ററ് വിസ (Schengen Visa): ടൂറിസ്ററ് വിസയിലോ വിസിറ്റിംഗ് വിസയിലോ ജര്‍മ്മനിയില്‍ വന്നിട്ട് അത് അവിടെ വെച്ച് ഔസ്ബില്‍ഡുങ് വിസയാക്കി മാറ്റാന്‍ നിയമപരമായി സാധിക്കില്ല. അവര്‍ നിര്‍ബന്ധമായും നാട്ടില്‍ തിരിച്ചുപോയി എംബസി വഴി പുതിയ വിസയ്ക്ക് അപേക്ഷിക്കണം.ഓ~പെയര്‍ വിസ / ഭാഷാ പഠന വിസ (National DVisa): ഒരു വര്‍ഷത്തെ നാഷണല്‍ വിസയില്‍ (Aupair, Language Visa) എത്തുന്നവര്‍ക്ക് മാത്രമാണ് നാട്ടിലേക്ക് മടങ്ങാതെ ജര്‍മ്മനിയില്‍ വെച്ച് തന്നെ വിസ മാറ്റിയെടുക്കാനുള്ള (Aufenthaltstitel മാറ്റാനുള്ള) ആനുകൂല്യം ലഭിക്കുന്നത്.
4. പ്രായോഗികമായി കുട്ടികള്‍ നേരിടുന്ന യഥാര്‍ത്ഥ പ്രശ്നങ്ങള്‍ (എന്തുകൊണ്ട് പലര്‍ക്കും ഇത് നടക്കുന്നില്ല?)നിയമപരമായി മാറ്റാന്‍ പറ്റുമെങ്കിലും പല കുട്ടികളും ഇവിടെ വന്ന് കുടുങ്ങിപ്പോകുന്നതിന് കാരണമിതാണ്:സമയക്കുറവ്: മിക്ക ഔസ്ബില്‍ഡുങ് കോഴ്സുകളും തുടങ്ങുന്നത് ഓഗസ്ററ്, സെപ്റ്റംബര്‍, ഒക്ടോബര്‍ മാസങ്ങളിലാണ്. ഒരു കുട്ടി വിസ കാലാവധി തീരുന്നതിന് മുന്‍പ് ഈ മാസങ്ങളിലെ ഇന്‍ടേക്കിലേക്ക് എത്താന്‍ പാകത്തിനല്ല വരുന്നതെങ്കില്‍ വിസയുടെ ഇടയിലുള്ള മാസങ്ങളില്‍ (Gap months) രാജ്യത്ത് തുടരാന്‍ നിയമപരമായ തടസ്സങ്ങള്‍ നേരിടും.
ഒരു വര്‍ഷം തികയ്ക്കണമെന്ന നിബന്ധന:
ചില നഗരങ്ങളിലെ ഫോറിനേഴ്സ് ഓഫീസുകള്‍ ഓ~പെയര്‍ വിസയുടെ 1 വര്‍ഷത്തെ കാലാവധി പൂര്‍ത്തിയാക്കിയാല്‍ മാത്രമേ അടുത്ത വിസയിലേക്ക് മാറാന്‍ സമ്മതിക്കുകയുള്ളൂ. ഗാസ്ററ് ഫാമിലിയുമായുള്ള പ്രശ്നം കാരണം രണ്ടോ മൂന്നോ മാസത്തിനുള്ളില്‍ അവിടെനിന്ന് ഇറങ്ങേണ്ടി വരുന്നവര്‍ക്ക് പുതിയ ഫാമിലിയെ കിട്ടിയില്ലെങ്കില്‍ വിസ ക്യാന്‍സല്‍ ആകും.ഏജന്‍സികളുടെ ചതി: "അവിടെ ചെന്നാല്‍ ഉടന്‍ ഔസ്ബില്‍ഡുങ്ങിലേക്ക് മാറ്റാം" എന്ന് ഏജന്റുമാര്‍ പറയുമെങ്കിലും, കയ്യില്‍ B2 സര്‍ട്ടിഫിക്കറ്റും സര്‍ട്ടിഫിക്കറ്റ് അറ്റസ്റേറഷനും (Anerkennung) ഇല്ലാതെ ചെന്നാല്‍ ഒരു സ്ഥാപനവും ഔസ്ബില്‍ഡുങ് കരാര്‍ നല്‍കില്ല.ചുരുക്കത്തില്‍: കൃത്യമായി B1/B2 ഭാഷ പഠിച്ച്, സര്‍ട്ടിഫിക്കറ്റുകളെല്ലാം നാട്ടില്‍ നിന്നുതന്നെ ശരിയാക്കിക്കൊണ്ട് ഓ~പെയര്‍ വിസയില്‍ വരുന്ന മിടുക്കരായ കുട്ടികള്‍ക്ക് ഇവിടെ വെച്ച് തന്നെ FSJയിലേക്കോ Ausbildung ലേക്കോ നാട്ടില്‍ പോകാതെ മാറാന്‍ 100% സാധിക്കും.
എന്നാല്‍ ഭാഷാ പഠനമില്ലാതെ ഏജന്റുമാരുടെ വാക്ക് മാത്രം വിശ്വസിച്ച് വരുന്നവര്‍ക്ക് ഈ സമയപരിധിക്കുള്ളില്‍ വിസ മാറ്റിയെടുക്കാന്‍ കഴിയാതെ തിരികെ പോകേണ്ടി വരുമെന്നു തീര്‍ച്ച.
Comments: